![](https://thagavalkalam.com/wp-content/uploads/2024/05/Amboththavizhi-thiruchendur-Thiruppugazh-24.jpg)
அம்பொத் தவிழித் தந்தக் கலகத்
தஞ்சிக் கமலக் – கணையாலே
அன்றிற் குமனற் றென்றற் குமிளைத்
தந்திப் பொழுதிற் – பிறையாலே
எம்பொற் கொடிமற் றுன்பக் கலனற்
றின்பக் கலவித் – துயரானாள்
என்பெற் றுலகிற் பெண்பெற் றவருக்
கின்பப் புலியுற் – றிடலாமோ
கொம்புக் கரிபட் டஞ்சப் பதுமக்
கொங்கைக் குறவிக் – கினியோனே
கொன்றைச் சடையற் கொன்றைத் தெரியக்
கொஞ்சித் தமிழைப் – பகர்வோனே
செம்பொற் சிகரப் பைம்பொற் கிரியைச்
சிந்தக் கறுவிப் – பொரும்வேலா
செஞ்சொற் புலவர்க் கன்புற் றதிருச்
செந்திற் குமரப் – பெருமாளே.
இதையும் படிக்கலாம் : அருணமணி மேவு (திருச்செந்தூர்) – திருப்புகழ் 25