கரிய பெரிய எருமை கடவு
கடிய கொடிய – திரிசூலன்
கறுவி யிறுகு கயிறொ டுயிர்கள்
கழிய முடுகி – யெழுகாலந்
திரியு நரியு மெரியு முரிமை
தெரிய விரவி – யணுகாதே
செறிவு மறிவு முறவு மனைய
திகழு மடிகள் – தரவேணும்
பரிய வரையி னரிவை மருவு
பரம ரருளு – முருகோனே
பழன முழவர் கொழுவி லெழுது
பழைய பழநி – யமர்வோனே
அரியு மயனும் வெருவ வுருவ
அரிய கிரியை – யெறிவோனே
அயிலு மயிலு மறமு நிறமும்
அழகு முடைய – பெருமாளே.
இதையும் படிக்கலாம் : திருப்புகழ் 1 – 110
