மருக்குல மேவுங் குழற்கனி வாய்வெண்
மதிப்பிள வாகும் – நுதலார்தம்
மயக்கினி லேநண் புறப்படு வேனுன்
மலர்க்கழல் பாடுந் – திறநாடாத்
தருக்கனு தாரந் துணுக்கிலி லோபன்
சமத்தறி யாவன் – பிலிமூகன்
தலத்தினி லேவந் துறப்பணி யாதன்
தனக்கினி யார்தஞ் – சபைதாராய்
குருக்குல ராஜன் தனக்கொரு தூதன்
குறட்பெல மாயன் – நவநீதங்
குறித்தயில் நேயன் திருப்பயில் மார்பன்
குணத்ரய நாதன் – மருகோனே
திருக்குள நாளும் பலத்திசை மூசும்
சிறப்பது றாஎண் – டிசையோடும்
திரைக்கடல் சூழும் புவிக்குயி ராகுந்
திருத்தணி மேவும் – பெருமாளே.
இதையும் படிக்கலாம் : மலை முலைச்சியர் (திருத்தணிகை) – திருப்புகழ் 290
