பொரியப் பொரியப் பொலிமுத் துவடத்
துகளிற் புதையத் – தனமீதே
புரளப் புரளக் கறுவித் தறுகட்
பொருவிற் சுறவக் – கொடிவேள்தோள்
தெரிவைக் கரிவைப் பரவைக் குருகிச்
செயலற் றனள்கற் – பழியாதே
செறிவுற் றணையிற் றுயிலுற் றருமைத்
தெரிவைக் குணர்வைத் – தரவேணும்
சொரிகற் பகநற் பதியைத் தொழுகைச்
சுரருக் குரிமைப் – புரிவோனே
சுடர்பொற் கயிலைக் கடவுட் கிசையச்
சுருதிப் பொருளைப் – பகர்வோனே
தரிகெட் டசுரப் படைகெட் டொழியத்
தனிநெட் டயிலைத் – தொடும்வீரா
தவளப் பணிலத் தரளப் பழனத்
தணிகைக் குமரப் – பெருமாளே.
இதையும் படிக்கலாம் : பொருவிக் கந்தொடு (திருத்தணிகை) – திருப்புகழ் 286
