விடம் அடைசு வேலை அமரர்படை சூலம்
விசையன்விடு பாணம் – எனவேதான்
விழியும் அதி பார விதமும் உடை மாதர்
வினையின் விளை வேதும் – அறியாதே
கடி உலவு பாயல் பகல் இரவெ னாது
கலவிதனில் மூழ்கி – வறிதாய
கயவன் அறி வீனன் இவனும் உயர் நீடு
கழல் இணைகள் சேர – அருள்வாயே
இடையர்சிறு பாலை திருடிகொடு போக
இறைவன்மகள் வாய்மை – அறியாதே
இதயமிக வாடி உடையபிளை நாத
கணபதி என் நாம – முறைகூற
அடையலவர் ஆவி வெருவ அடி கூர
அசலும் அறி யாமல் – அவர்ஓட
அகல்வதென டாசொல் எனவுமுடி சாட
அறிவருளும் ஆனை – முகவோனே.
இதையும் படிக்கலாம் : முத்தைத்தரு (திருவருணை) – திருப்புகழ் 6
