தமிழத்தின் கிழக்குக் கடற்கரையில் நாகப்பட்டினம் அமைந்துள்ளது. நாகப்பட்டினம் அதன் எல்லா வரலாற்று மற்றும் கலாச்சார முக்கியத்துவம் கொண்ட ஒரு தனிப்பட்ட மாவட்டமாக உள்ளது. முக்கிய மதங்களின் வழிபாட்டு தளங்கல் இங்கு உள்ளன. நாகப்பட்டினம் சோழ மண்டலத்தின் ஒரு அங்கமாக உள்ளது. பண்டைய தமிழ் ராஜ்ஜியங்கள் சோழ மண்டலம் மிகவும் புகழ்பெற்றது.
| நாடு | இந்தியா |
| மாநிலம் | தமிழ்நாடு |
| தலைநகரம் | நாகப்பட்டினம் |
| பகுதி | சோழ நாடு |
| பரப்பளவு | 2,569 ச.கி.மீ. |
| மக்கள் தொகை | 16,16,450 (2011) |
| அஞ்சல் குறியீடு | 611 xxx |
| தொலைபேசிக் குறியீடு | 043645, 04364 |
| வாகனப் பதிவு | TN-51 |
| கல்வியறிவு | 83.59% |
பெயர்க் காரணம்
நாகப்பட்டினம் பண்டைய காலம் முதல் துறைமுக நகரமாகவே இருந்தது. வடநாட்டினர் தமிழரை ‘நாகர்’ என்றே அழைத்தனர். அதன் காரணமாக அவர்கள் வாழ்ந்த கடற்கரை நகர் நாகப்பட்டினமாயிற்று. நாகப்பட்டினத்தின் மற்றொரு பெயர் ‘நீர்பெயற்று’. காவிரிப் பூம்பட்டினம் அழிவுக்குப் பின்னர் இந்நகர் பெயர் பெற்ற துறைமுகப்பட்டினமாக விளங்கியது.
வரலாறு
நாகைப்பட்டினம் பண்டைய சோழமண்டலத்தின் ஒரு பகுதியாகும். சோழமண்டலம் தமிழர்களின் ராஜ்ஜியத்தின் முக்கிய பகுதியாக இருந்தது. இதன் சிறப்பம்சங்கள் மற்ற நகரங்களை காட்டிலும் சோழ மண்டலத்திற்கு அழகு சேர்த்தது. இதற்கு சோலைக்கொல்லை வள்ளிப்பட்டினம் என்ற பெயரும் உண்டு.
கி.மு. மூன்றாம் நூற்றாண்டு பாரம்பரியத்தின் நூற்றாண்டு. அசோக சக்கரவர்த்தியின் புத்த விஹாராவிலும் இந்த நூற்றாண்டின் எழுத்து வகைகள் காணப்படுகின்றன. த்த இலக்கியங்களில் நாகை படவிதிதா எனும் பெயரில் குறிப்பிடப்பட்டுள்ளது. 1991ல் தஞ்சையில் இருந்து நாகை பிரிந்தது. இப்பகுதி கிழக்கு தஞ்சை மற்றும் தென்னிந்தியாவின் நெற்களஞ்சியம் என்று அழைக்கப்படுகிறது. வங்காள விரிகுடாவை ஒட்டி அமைந்துள்ள இந்த மாவட்டம் தீபகற்பம் போல் காட்சியளிக்கிறது.
புவியியல்
இந்நகரம் கிழக்கில் வங்காள விரிகுடா, தெற்கில் உப்பனாறு, மேற்கில் திருவாரூர் மாவட்டம், வடமேற்கில் தஞ்சாவூர் மாவட்டம் மற்றும் வடக்கில் காரைக்கால் மாவட்டம் ஆகிய இடங்களால் சூழப்பட்டுள்ளது. இந்த நகரம் கடல் மட்டத்தில் அமைந்துள்ளது.
நாகப்பட்டினம் மார்ச் முதல் மே வரை கோடையில் வெப்பமண்டல காலநிலையைக் கொண்டுள்ளது. இந்த நகரம் சூறாவளியால் பாதிக்கப்படும் பகுதிகளில் ஒன்றாகும். இது 2004 சுனாமியின் போது பேரழிவிற்கு உட்பட்டது.
2004 ஆழிப்பேரலை
ஆழிப்பேரலையால் பாதிக்கப்பட்டவர்களுக்கு நிரந்தர குடியிருப்பு டிசம்பர் 2004 இல் சுமத்திரா தீவின் வடமேற்கு கடற்கரையில் நிலநடுக்கம் மற்றும் ஆழிப்பேரலையும் ஏற்பட்டது. நிலநடுக்கம் மற்றும் திடீர் ஆழிப்பேரலையால் தமிழகமும் பாதிக்கப்பட்டது. தமிழ்நாட்டில் நாகப்பட்டினம் மாவட்டம் மிக மோசமாகப் பாதிக்கப்பட்டுள்ளது. மாநிலத்தில் 8,009 இறப்புகளில், 6,064 இப்பகுதியில் மட்டும் நிகழ்ந்துள்ளன. அக்கரைப்பேட்டை, கீச்சாங்குப்பம் போன்ற கடலோரப் பகுதிகளில் வசிக்கும் மீனவ சமுதாயத்தைச் சேர்ந்த பெரும்பாலானோர் பாதிக்கப்பட்டுள்ளனர். இதனால், பெரும்பாலான படகுகள் நீரில் மூழ்கியதால், மீன்பிடி தொழில் பாதித்தது.
மக்கள்தொகை
2,569 சதுர கிலோ மீட்டர் பரப்பளவு கொண்ட நாகப்பட்டினம் மாவட்டத்தின் 2011 ஆம் ஆண்டின் மக்கள்தொகை கணக்கெடுப்பின்படி மொத்த மக்கள்தொகை 1,616,450 ஆகும். அதில் ஆண்கள் : 7,98,127 ; பெண்கள் : 8,18,323 ஆகவும் உள்ளனர். கடந்த 10 ஆண்டுகளில் மக்கள்தொகை வளர்ச்சி விகிதம் 8.57% ஆக உயர்ந்துள்ளது.
தொழில்
இம்மாவட்டம் காவிரியின் கிளை நதியில் அமைந்துள்ளது. இப்பகுதி விவசாயத்தால் ஆதிக்கம் செலுத்துகிறது. வேறு சில தொழில்கள் உள்ளன. குறிப்பாக நெல் வயல்கள், மயிலாடுதுறை, குத்தாலம், கொள்ளிடம், நாகப்பட்டினம் போன்ற இடங்களில் அதிக மகசூல் கிடைக்கும். நெல் தவிர, கரும்பு, வாழை, ராகி, காய்கறிகள், பூக்கள் போன்றவையும் பயிரிடப்படுகின்றன. தலைஞாயிறு வேளாண் ஆராய்ச்சி மையம் நெல் விதைகளை உற்பத்தி செய்துள்ளது. மயிலாடுதுறையில் 2 1/2 இலட்சம் ஏக்கர் நிலத்தில் நெல், மணிலா, எள், கரும்பு, தென்னை போன்றவை பயிரிடப்படுகின்றன.
திருமுல்லைவாயில் முதல் கோடியக்கரை வரை சுமார் 120 கிலோமீட்டர் கடற்கரை இருப்பதால் மீன்பிடித்தல் ஒரு முக்கியமான தொழிலாகும். சாதாரண கட்டுமரங்களை பயன்படுத்தியே இங்கு தொழில் செய்யப்படுகிறது. சில இடங்களில் இயந்திரப் படகு மீன்பிடித்தலும் நடைமுறையில் உள்ளது. பூம்புகார், நாகப்பட்டினம், வேதாரண்யம், கோடியக்கரை போன்ற இடங்களில் பெருமளவு மீன்பிடிக்கப்படுகிறது. இங்கு சுறா, வாளை, திருக்கை, நெத்திலி, நண்டு மற்றும் கடலோரப் பகுதிகளில் நன்னீர் இறாலும் வளர்க்கப்படுகிறது. மீனும், கருவாடும் நாகையிலிருந்து ஏற்றுமதி செய்யப்படுகிறது. நாகையில் மீனவர் பயிற்சி நிலையம் உள்ளது.
நாகப்பட்டினம், வேதாரண்யம், தரங்கம்பாடி இப்பகுதியில் உப்பு காய்ச்சப்படுகிறது. வேதாரண்யம் அருகே உப்பளங்கள் குத்தகைக்கு எடுத்து சிறிய மற்றும் பெரிய வியாபாரிகள் நடத்தி வருகின்றனர். ‘மேட்டூர் கெமிக்கல்’ குழுமம், வேதாரண்யத்தில் உள்ள மேட்டூர் மற்றும் அல்வாயில், ரசாயன உற்பத்திக்கான ‘சுத்திகரிக்கப்பட்ட உப்பு’ தயாரிக்க குத்தகைக்கு எடுத்து உப்பை வழங்குகிறது. வேதாரண்யம் மாவட்டத்தில் மட்டும் ஆண்டுக்கு 20 இலட்சம் டன் உப்பு காய்ச்சி எடுக்கப்படுகிறது. வேதாரண்யம் உப்பு ஜிப்சம் தயாரிக்க ஏற்றது. இங்கு தொழிற்சாலைகள் ஏற்பட இருக்கின்றன. மீனவர்களின் வலைகளும், புகையிலை மற்றும் கருப்பட்டிகள் போடப்பட்ட ஓலைப் பாய்களும் கோடியா கடற்கரை மற்றும் வேதாளன்யாவின் கைத்தொழிலாக வளர்ந்துவந்துள்ளது. நெல் வாணிபத்திற்கு குற்றாலம் புகழ் பெற்றது. மயிலாடுதுறையை ஒட்டியுள்ள கூறைநாட்டில் பழங்காலத்திலிருந்தே பட்டு நெசவு நெய்யும் வழக்கம் இருந்து வருகிறது.
மாவட்ட வருவாய் நிர்வாகம்
இம்மாவட்டத்தில் நாகப்பட்டினம் வருவாய் கோட்டமும், 2 வருவாய் வட்டங்களும் உள்ளது.
வருவாய்க் கோட்டம்
- நாகப்பட்டினம்
- வேதாரண்யம்
தாலுக்காக்கள்
இம்மாவட்டம் நான்கு வட்டங்களாகப் பிரிக்கப்பட்டுள்ளது.
- நாகப்பட்டினம்
- கீழ்வேளூர்
- திருக்குவளை
- வேதாரண்யம்
உள்ளாட்சித் துறை
நாகப்பட்டின மாவட்டம் 2 நகராட்சிகளையும், 4 பேரூராட்சிகளையும் கொண்டுள்ளது.
நகராட்சிகள்
- நாகப்பட்டினம்
- வேதாரண்யம்
பேரூராட்சிகள்
- திட்டச்சேரி
- வேளாங்கண்ணி
- கீழ்வேளூர்
- தலைஞாயிறு
ஊராட்சித் துறை
இம்மாவட்டம் 6 ஊராட்சி ஒன்றியங்களையும், 193 ஊராட்சிகளையும் கொண்டது.
அரசியல்
இம்மாவட்டம் 8 சட்டமன்றத் தொகுதிகளையும், 2 மக்களவைத் தொகுதிகளையும் கொண்டுள்ளது.
சுற்றுலா மற்றும் வழிபாட்டுத் தலங்கள்
மத நல்லிணத்திற்கு நாகப்பட்டினம் மாவட்டம் எடுத்துக் காட்டாக விளங்கி வருகிறது. இம்மாவட்டத்தில் வேளாங்கண்ணி ஆரோக்கியமாதா கோவிலும் உள்ளது. இஸ்லாமியர்களுடைய பிரசித்தி பெற்ற நாகூர் மற்றும் பாப்பாவூர் தர்காவும், பிரசித்தி பெற்ற சப்த விதாங்கர் கோயில், நீலாயதாட்சி சமேதா காயாரோகண சுவாமி கோயில், சிக்கல் சிங்காரவேலர் கோவிலும் இம்மாவட்டத்தில் தான் உள்ளது. இந்த புண்ணிய தலங்களுக்கு அதிகமான சுற்றுலா பயணிகள் வருகை தருகின்றனர். இம்மாவட்டத்தில் அமைந்துள்ள காவிரிப்பூம்பட்டினம் என்று இலக்கியப் புகழ்பெற்ற பூம்புகார் நகரம் சோழர்களின் துறைமுக நகரமாய் விளங்கியது. ஆண்டு தோறும் நடைபெறும் நாகூர் கந்தூரி விழா, வேளாங்கண்ணி அன்னை ஆண்டு பெருவிழாவிற்கு சாதி,மதம் கடந்து இந்தியாவின் முளை முடுக்கில் இருந்தும் பக்தர்கள் நடைபயணமாக வருகின்றனர். இதை தவிர இங்குள்ள தரங்கம்பாடி கோட்டை, கோடியக்கரை சரணாலயம் உள்ளிட்ட பகுதிகளுக்கும் சுற்றுலாப் பயணிகள் வந்த வண்ணம் உள்ளனர்.
வேளாகண்ணி
நாகப்பட்டினத்தில் இருந்து சுமார் 10 கிலோ மீட்டர் தொலைவில் வங்காள விரிகுடா கரையில் வேளாகண்ணி அமைந்துள்ளது. போர்ச்சுக்கீசிய காலத்தில் கட்டப்பட்டுள்ள, தேவாலயம் மிகவும் பிரசிதிப்பெற்றது. மோர்கார சிறுவனுக்கு காட்சியளித்த அன்னை போற்றும் விதமாக ஆலயம் எழுப்பட்ட தற்போது, வேண்டி வருவோருக்கு அனைத்து நன்மைகளை வாரி வழங்கும் தலமாக உள்ளது.
கோதிக் கட்டிடக்கலை என்பது தேவாலயத்தின் ஒரு தனித்துவமான அம்சமாகும். சர்ச் தன்னை கட்டியெழுப்பும் கட்டிடக்கலை கொண்டது. கட்டடங்கள் வெள்ளை நிற கூரை மீது வர்ணம் பூசப்பட்டிருந்தாலும், சுவர்கள் வண்ணம் மாறுபடும் வண்ணமயமான சிவப்பு நிறத்தில் ஓடுகள் கட்டப்பட்டுள்ளன. இந்த கோவிலின் சுற்றுச்சூழல் ஸ்பிக் மற்றும் ஸ்பான் ஆகும். நம்பிக்கை மற்றும் பக்தி கதிர்கள் கதிர்வீச்சு. துயரமடைந்த தாய் கர்ப்பமாக இருக்கும்போது, குழந்தையின் கையை இயேசு கையில் எடுத்துச் சித்தரிக்கிறார்.
சாதி, மதங்களை கடந்து அனைத்து மக்களும் வரும் தலமாக வேளாகண்ணி உள்ளது. நகரைச் சுற்றி தேவலாயங்கள், மியூசியம், கடற்கரை, கடல் சார்ந்த உணவுகள் என அனைத்தும் இங்கு பிரபலமாகும்.
நாகூர்
நாகப்பட்டினத்தில் இருத்து சுமார் 5 கிலோ மீட்டர் தொலைவில் பழமையான நாகூர் தர்கா இருக்கிறது. மத நல்லிணத்திற்கும், பழமைக்கும் எடுத்துக்காட்டாக இருக்கும் தலம். இந்த தர்கா வெள்ளை நிறத்தில் காட்சியளிக்கும். தமிழகத்தின் பல பகுதிகளில் இருந்தும் மக்கள் தினந்தோறும், வந்து செல்கின்றனர். வேண்டும் வரத்தை அளிக்கும் நாகூர் ஆண்டவர் என அனைவரும் நம்பி இங்கே வருகின்றன. ஆண்டுக்கு ஒருமுறை நடைபெறும் கந்தூரி திருவிழாவிற்கு இசையமைப்பாளர் ஏர்.ஆர் ரஹ்மான் உள்ளிட்ட பலரும் வந்து செல்கின்றனர்.
பூம்புகார்
பூம்புகார் துறைமுகம் கி.மு 4 ஆம் நூற்றாண்டில் செழித்து வளர்ந்தது. ஒரு காலத்தில் வரலாற்றுச் சிறப்புமிக்க சோழப் பேரரசின் தலைநகராக இருந்த இது காவேரிபூம் பட்டினம் அல்லது புகார் என்று அழைக்கப்பட்டது.
சீர்காழியில் இருந்து 21 கிலோமீட்டர் தொலைவில் பூம்புகார் உள்ளது. இங்கு நீளமான கடற்கரையும், வரலாற்று சிறப்புகளும் உள்ளது. இந்த கடற்கரையில் கொண்டாடப்படும் மிக முக்கியமான நாட்களில் ஒன்று “சித்ரா பௌர்ணமி”, இது ஏப்ரல்-மே பருவத்தில் உள்ளது. மக்கள் கடற்கரையில் கூடி நீராடி, மகிழ்ச்சியுடன் நாளை கொண்டாடுகிறார்கள்.
நாகப்பட்டினம்
1991 ஆம் ஆண்டில்நாகப்பட்டினத்தை தலைமையிடமாகக் கொண்டு இம் மாவட்டம் நிறுவப்பட்டது. 188 கி.மீ. தொலைவில் நீளமான கடற்கரை வங்காள விரிகுடாவில் இயங்குகிறது. நாகப்பட்டினம் இந்தியாவின் மிக வளர்ந்து வரும் துறைமுகங்களில் ஒன்றாகும்.
ஸ்ரீ கயாஹரன சுவாமி நீலதாட்சட்டி அம்மன் கோயில், சோவிராஜா பெருமாள் கோயில் மற்றும் நெல்லுக்கடை மாரியம்மன் கோயில் ஆகியவை இங்கு அமைந்து உள்ளன. சிறிய மியூசியம், மவுண்ட் லைட்ஹவுஸ் மற்றும் நீண்ட அழகிய கடற்கரை ஆகியவை இந்த நகரின் முக்கிய இடங்களாகும்.
மாவட்ட கலெக்டர் முன் அமைந்துள்ள தூண் 24 மணி நேரத்தில் அதிக எண்ணிக்கையிலான மரக்கன்றுகளை நட்டு கின்னஸ் சாதனை படைத்த மாவட்ட நிர்வாகத்தின் மற்றும் குடிமக்களின் நினைவாக உள்ளது.
தரங்காம்பாடி
நாகப்பட்டினத்தில் இருந்து 35 கிலோ மீட்டர் தொலைவில் அமைந்துள்ளது. கட்டிடக்கலையில் சிறப்பு வாய்ந்தது டேனிஷ் கோட்டை ஆகும். தமிழ்நாடு தொல்லியல் துறையால் தற்போது நிர்வகிக்கப்பட்டு வருகிறது. இங்கு தொல்லியல் அருங்காட்சியகம் இருக்கிறது.
கோடியக்கரை
கோடியக்கரை கடற்கரை கிராமம் பால்க் ஜலசந்தியில் அமைந்துள்ளது. 312.17 ஹெக்டேர் பரப்பளவில் காணப்படும் சரணாலயத்தில் நீலப் பக், மானை மான்கள், காட்டுப்பன்றி, அரை காட்டு குதிரைகள், பொன்னிற மாகிக்குகள் உள்ளன. மேலும் நீர் பறவைகளான ஃபிளமிங்கோக்கள், ibises,ஹெரோன்கள் மற்றும் ஸ்பூன் பில்கள் போன்றவை இங்கு இருக்கின்றன. ஊர்வனவற்றில் மீன், டால்பின்கள், துகோங், கடல் சிங்கம், கடல் மாடு இங்கு சில நேரங்களில் காணப்படுகின்றன. தவிர, பவள வகைகள் இருக்கும் இடமாகும்.
சிக்கல்
ஒரு பெரிய கட்டிடத்தில் அழகிய முருகன் கோயில் அமைந்துள்ளது. இந்த கோயிலின் தூண்கள் சிக்கலான மற்றும் அழகிய சிற்பங்களுடன் அலங்கரிக்கப்பட்டு இருக்கிறது. ஒரு பழங்காலத்தின் அழகான ஓவியங்கள் நிறம் மற்றும் சித்தரிப்புகளில் அற்புதத்தை இங்கு காணலாம். இக்கோயிலுக்கு அருகில் சிவன், விஷ்ணு மற்றும் ஹனுமான் ஆகியோர் உள்ளனர். இந்த கோவிலில் உள்ள முருகரை வணங்கினால் அனைத்து தடைகளும் நீக்குவதாக நம்பப்படுகிறது.
