வாயை சுத்தமாக வைத்துக் கொள்ளாவிட்டால், நாம் உண்ணும் உணவின் மூலம் பாக்டீரியாக்கள் உடலில் நுழைந்து பல உடல் நலப் பிரச்சனைகளை உண்டாக்கும். அதனால் தான் வாய்வழி சுகாதாரம் மிகவும் முக்கியமானது.
பற்கள் மற்றும் ஈறுகளின் ஆரோக்கியத்தை மேம்படுத்த உதவும் குறிப்பிட்ட பழங்களை வாங்கி தினமும் ஒன்று சாப்பிடுதால், வாய் துர்நாற்றம், ஈறு பிரச்சனைகள் மற்றும் மஞ்சள் பற்கள் போன்ற பல பிரச்சனைகளைத் தடுக்கலாம்.
ஆப்பிள்
ஆப்பிளை தினமும் மென்று சாப்பிடுவது வாய் சுகாதாரத்தை மேம்படுத்தும். ஆப்பிளில் உள்ள ஆன்டிஆக்ஸிடன்ட்கள் ஃப்ரீ ராடிக்கல்களை எதிர்த்துப் போராடுவதால், பற்களின் எனாமலில் ஏற்படும் சேதம் மற்றும் ஈறு நோய்களைத் தடுக்கிறது.
இதில் வைட்டமின் சி உள்ளது, இது பல் சொத்தையைத் தடுக்கும். கூடுதலாக, ஆப்பிளில் வைட்டமின் சி, மாங்கனீஸ், பொட்டாசியம் மற்றும் பெக்டின் போன்ற ஊட்டச்சத்துக்கள் நிறைந்துள்ளன, இது ஈறு நோயை எதிர்த்துப் போராட உதவுகிறது.
ஆரஞ்சு
ஆரஞ்சு பழத்திலும் வைட்டமின் சி நிறைந்துள்ளது. அவை பற்களை வலுப்படுத்தி தொற்றுநோயை எதிர்த்துப் போராட உதவுகின்றன. ஹெஸ்பெரிடின் என்பது முதன்மையாக ஆரஞ்சுகளில் காணப்படும் ஒரு கலவை ஆகும், இது ஈறு நோயைத் தடுக்கிறது. எனவே, தொடர்ந்து ஆரஞ்சு பழங்களை உட்கொள்வது வாய் ஆரோக்கியத்தை மேம்படுத்தும்.
தர்பூசணி
தர்பூசணியில் லைகோபைன் மற்றும் பொட்டாசியம் நிறைந்துள்ளது, இது வாய் ஆரோக்கியத்தை மேம்படுத்துகிறது. கூடுதலாக, தர்பூசணியில் குறைந்த கலோரிகள் மற்றும் அதிக நீர்ச்சத்தும் உள்ளது, இது வாய் வறட்சியைத் தடுக்கும் மற்றும் உடலை நீரேற்றமாக வைத்திருக்கும். வாய் உலர்ந்தால் தான் வாய் துர்நாற்றம் வரும். எனவே வாய் துர்நாற்றத்தை போக்க வேண்டுமானால் தர்பூசணியை சாப்பிடுங்கள். இல்லை என்றால் குறைந்த பட்சம் அதிக தண்ணீர் குடிக்கவும்.
கிவி
கிவி பழத்தில் புளிப்புச் சுவை உள்ளது மற்றும் வைட்டமின்கள் மற்றும் தாதுக்கள் வாய் ஆரோக்கியத்தை மேம்படுத்த உதவும். முக்கியமாக கிவி பழத்தில் வைட்டமின் சி, பொட்டாசியம், மெக்னீசியம் மற்றும் மாங்கனீஸ் போன்ற அத்தியாவசிய ஊட்டச்சத்துக்கள் நிறைந்துள்ளன, இது ஈறுகள் மற்றும் பற்களை ஆரோக்கியமாக வைத்திருக்க உதவுகிறது. கிவி பழத்திலும் பீட்டா கரோட்டின் உள்ளது. இது ஈறு நோய்க்கு சிகிச்சையளிக்க உதவுகிறது. எனவே, தினமும் ஒரு கிவி பழத்தை சாப்பிடுவது வாய் ஆரோக்கியத்தை மேம்படுத்தும்.
ஸ்ட்ராபெர்ரி
ஸ்ட்ராபெர்ரிகளில் வைட்டமின் சி நிறைந்துள்ளது, இது பற்களில் ப்ளேக்குகள் உருவாவதைத் தடுக்க உதவுகிறது. கூடுதலாக, இந்த பழத்தில் சொத்தை பற்களை உண்டாக்கும் பாக்டீரியாவை அழிக்கும் அமிலம் உள்ளது. எனவே, ஸ்ட்ராபெர்ரி சாப்பிடுவதால் பற்களின் எனாமலை பாதுகாக்கவும், வாய் துர்நாற்றத்தைத் தடுக்கவும், பற்களை வலுப்படுத்தவும் முடியும்.
இதையும் படிக்கலாம் : நாக்கை கடிச்சிட்டீங்களா? இதை ட்ரை பண்ணுங்க..!
