அருள்மிகு நாகநாதசுவாமி கோயில் தஞ்சாவூர் மாவட்டம், கும்பகோணம் வட்டம், திருநாகேஸ்வரம் எனும் ஊரில் அமைந்துள்ளது.
| மூலவர் | நாகேசுவரர், நாகநாதர், சண்பகாரண்யேசுவரர் |
| அம்மன்/தாயார் | பிறையணிநுதலாள், கிரிகுஜாம்பிகை |
| தல விருட்சம் | சண்பகம் |
| தீர்த்தம் | சூரிய தீர்த்தம் |
| புராண பெயர் | திருநாகேச்சரம் |
| ஊர் | திருநாகேஸ்வரம் |
| மாவட்டம் | தஞ்சாவூர் |
வரலாறு
செண்பகமரம் நிறைந்த இடமாக இருந்ததால் செண்பக வனம் என்று பெயர் பெற்றது. இக்கோவிலில் இறைவன் லிங்க வடிவில் செண்பக மரத்தின் கீழ் எழுந்து அருளினார். அதனால் இறைவனது பெயர் செண்பகாரண்யேஸ்வரர் எனப்பட்டது. இத்தல இறைவியின் பெயர் குன்றுமாமுலைக்குமரி (கிரிகுஜாம்பாள்).
பிருங்கி முனிவர் சிவபெருமானை மட்டுமே வழிபட்டு வந்தார். இதனால் ஆத்திரமடைந்த பார்வதி, அர்த்தநாரீஸ்வர வடிவில் சிவனை நோக்கி கடும் தவம் மேற்கொண்டார். பார்வதியின் துறவறத்தில் திருப்தியடைந்த இறைவன், தன் உடம்பில் பாதியை அவளுக்குத் தந்து, அவள் அவனுடன் ஐக்கியமானாள். அர்த்தநாரீசுவரரின் வடிவம் உலகின் பல பாகங்களிலும் இருக்க வேண்டும் என்று வேண்டினாள். எனவே இக்கோயிலில் அர்த்தநாரீஸ்வர வடிவில் சிவன் பார்வதி காட்சி தருகிறார். மூலவர் நாகேஸ்வரர் சுயம்பு மூர்த்தியாக அருள்பாலித்தார். அம்மன் பிறையணி வானுதலாள்.
சுசீலர் என்ற முனிவரின் மகன் சுகர்மன். ஒருமுறை, அவர் காட்டில் நடந்து சென்றபோது, நாகர்களின் அரசனான தக்ககன் என்ற பாம்பு அவரைத் தீண்டியது. இதை அறிந்த முனிவர் கோபமடைந்தார். தன் மகனை தீண்டிய தக்ககன் மானிடனாக பிறக்கும்படி சபித்துவிட்டார். சாபவிமோசனம் பெற, தக்ககன் காசிப முனிவரிடம் ஆலோசனை கேட்டான். “பூமியில் உள்ள லிங்கத்தை வணங்கி வழிபட்டால் சாபம் நீங்கும்” என்றார். அதனால் தக்ககன் பூமிக்கு வந்து சிவலிங்கத்தை வழிபட்டார். சிவன் அவனுக்கு காட்சி தந்து சாபவிமோசனம் கொடுத்தார். இவரே இத்தலத்தில் அருளுகிறார். நாகமாகிய தக்ககனுக்கு அருளியதால் இவர், “நாகநாதர்’ என பெயர் பெற்றார்.
கோயில் அமைப்பு
அருள்மிகு நாகேஸ்வரர் கோயிலின் பிரதான நுழைவாயிலில் அமைந்துள்ள கிழக்கு கோபுரம் ஐந்து நிலைகளை கொண்டது. நான்கு திசைகளிலும் நான்கு கோபுர கதவுகள் அழகாக செதுக்கப்பட்டுள்ளன. இக்கோயில் சோழ மன்னர்களால் கட்டப்பட்டது. தேவாரப் பாடல் பெற்ற சிவத்தலங்களில் இது 92வது தேவாரத்தலமாகும். மூலவர் நாகேஸ்வரர் இங்கு சுயம்பு மூர்த்தியாக அருள்பாலிக்கிறார். இது சம்பந்தர், அப்பர், சுந்தரர் ஆகியோர் பாடிய சிவ தலம். இங்குதான் சேக்கிழார் திருப்பணி இயற்றினார்.
ராகு, தட்சகன், கார்க்கோடகம், ஆதிசேஷன், வாசுகி வழிபட்ட தலமாக இக்கோயில் சிறப்பிக்கப்படுகிறது. நிருத்த கணபதி, நந்தி மற்றும் சூரியதீர்த்தம் இங்கு உள்ளன. நூற்றுக்கால் மண்டபம் சூரிய தீர்த்தத்தில் ஆற்றங்கரையில் விநாயகர் சந்நிதியும், இரண்டாம் பிரகாரத்தில் நாகராஜா உருவமும் உள்ளது. இக்கோயிலில் சேக்கிழார், அவரது தாயார் மற்றும் சகோதரர் சிலைகளும் உள்ளன.
ராகு வரலாறு
சுசீலா முனிவரால் தனக்கு ஏற்பட்ட சாபம் நீங்க ராகு பகவான் இந்தத் தலத்தில் இறைவனை வழிபடுகிறார். எனவே, இக்கோயிலின் இறைவன் “நாகநாதர்” என்று அழைக்கப்பட்டார். அன்றிலிருந்து இது ராகு தோஷ நிவர்த்தி கோவில் என்று அழைக்கப்படுகிறது. சிறந்த சிவ கிரகமான ராகு, ராமேஸ்வரம் மற்றும் காளஹஸ்தியில் உச்சமாக உள்ளது. இருப்பினும், ராகுபகவான் தனது மனைவிகளான சிம்ஹி மற்றும் சித்ரலேகா ஆகியோருடன் மங்கள ராகுவால் தனது பக்தர்களுக்கு நிறைய நன்மைகளை அருளும் தருவது சிறப்பு.
சிவபெருமான் நாகத்திற்கு அருள்பாலித்த தலம் இது என்பதால், நவக்கிரகங்களில் ஒருவரான ராகு, தேவியுடன் சிவனை வழிபட இங்கு வந்தார். தினமும் சிவதரிசனம் பெற வேண்டி இங்கேயே மனைவியருடன் தங்கி விட்டார். பின்னர் இங்கு ராகுவுக்கென்று தனி கோவில் கட்டப்பட்டது. அவர் தனது மனைவிகளான நாகவல்லி மற்றும் நாககன்னி ஆகியோருடன் பிரதிஷ்டை செய்யப்பட்டது. இவர் அனுக்கிரஹம் புரியும் மங்கள ராகுவாக அருளுவது விசேஷம். பொதுவாக ராகு மனித தலை மற்றும் நாக உடலுடன் தோன்றுவார். இருப்பினும், அவர் இந்த கோவிலில் மனித உருவில் காட்சி தருகிறார். ராகுவை, இந்த கோலத்தில் காண்பது அபூர்வம். கிரகங்களில் ராகு பகவான் யோககாரகனாவார். ராகுவை வணங்கிட யோகம், பதவி, தொழில், வளமான வாழ்வு, எதிர்ப்புகளை சமாளிக்கும் திறன், வறுமை, நோய் நீக்கம், கடன், வெளிநாட்டு பயண யோகம் ஆகியவற்றை அருள்வார்.
ராகு தோஷ பரிகாரத் தலம்
இந்த இடம் ராகு தோஷ பரிகார தலம். நாக தோஷம் உள்ளவர்கள் இத்தலத்திற்கு வந்து ராகு பகவானுக்கு பாலாபிஷேகம் செய்து பிரார்த்தனை செய்கிறார்கள். இதன் மூலம் தோஷம் நிவர்த்தியாகிறது என்பது நம்பிக்கை. பாலாபிஷேகத்தின் போது பால் நீல நிறமாக மாறுவது கலியுகத்திலும் நாம் கண்ட அதிசயம். தினமும் காலை 9.30, 11.30 மாலை 5.30 மற்றும் ராகு காலத்தில் பாலாபிஷேகம் நடைபெறுகிறது. சிவராத்திரியின் போது ராகு பகவான் இந்த கோவிலில் சிவனை வழிபட்டு அருள்பெற்றாராம். இதன்படி தற்போதும் சிவராத்திரியின் போது ராகு இரண்டு பூஜைகள் செய்வதாக நம்பப்படுகிறது. ராகு பகவான் சிவராத்திரி மற்றும் ராகு பெயர்ச்சியின் போது மட்டுமே உச்சவர் வீதியுலா செல்கிறார்.
ராகுபெயர்ச்சியின் போது பரிகார பூஜை செய்யலாம். சிறப்புகள்: கிரிகுஜாம்பிகை சன்னதியில் விநாயகர் இருக்கிறார், அருகில் ராகு பகவான் “யோகராகு” என்றும் அழைக்கப்படுகிறார். எனவே, அவர் இந்த பெயரால் அழைக்கப்படுகிறார். கேதுவின் அதிபதி விநாயகர். இந்த விநாயகப் பெருமானையும், யோக ராகுவையும் வழிபட்டால் ராகு, கேது தோஷம் நீங்கும் என்பது நம்பிக்கை.
முத்தேவியர் தரிசனம்
அம்பாள் பிறையணியம்பாள் தனிச்சனடியில் உள்ளது. இவள் தவிர, கிரிகுஜாம்பிகை, லட்சுமி மற்றும் சரஸ்வதி தேவியும் இந்த கோவிலின் ஒரே சன்னதியில் முத்தேவியரும் காட்சி தருகின்றனர். பிருங்கி முனிவருக்காக இங்கு முத்தேவியரும் காட்சி தந்தனர். இதனடிப்படையில் இச்சந்நிதியில் முத்தேவியும் உள்ளது.
மார்கழியில் இந்த மூன்று அம்பிகைக்கும் புனுகு சாத்துகின்றனர். அப்போது 45 நாட்கள் இந்த அம்பிகையரை தரிசிக்க முடியாது. இந்நாட்களில் அம்பிகை கோயில் முன்புறம் உள்ள திரைக்கு முன்பாக பூஜைகள் நடைபெறும். தை கடைசி வெள்ளிக்கிழமையன்று, அவரது சன்னதி முன்மண்டபத்தில் அன்னம், காய்கறிகள் மற்றும் பழங்கள் வழங்கப்படுகின்றன. இவரது சன்னதியில் பாலசாஸ்தா, சங்கநிதி மற்றும் பதுமநிதி ஆகியோரும் உள்ளனர். இங்கு முத்துமாரியை வழிபட்டால் குடும்பத்தில் செல்வம் பெருகும் என்பது நம்பிக்கை.
தீர்த்தங்கள்
இத்தலத்தில் 12 தீர்த்தங்கள் உள்ளன. அவை முறையே சூரிய தீர்த்தம், யமதீர்த்தம், சந்திர தீர்த்தம், அக்னி தீர்த்தம், துர்க்கா தீர்த்தம், கௌதம தீர்த்தம், பராசர தீர்த்தம், இந்திர தீர்த்தம், பிருகு தீர்த்தம், கண்வ தீர்த்தம், வசிட்ட தீர்த்தம், என்பன சூரிய தீர்த்தம் தற்போது சூரிய திருக்குளம் என்ற பெயரில் கோயிலினுள் உள்ளது. அது சூரியனால் அமைக்கப்பட்டது என்பர். திரிசூல தீர்த்தமானது பெருமான் தனது சூலத்தை பூமியில் ஊன்ற பிலத்தினின்றும் கங்கையை வரச்செய்து அக்கங்கையாம் காவேரி நதி திரிசூலம்போல மூன்று கிளைகளாக பிரிந்து நாட்டாறு, அரிச்சொல்லாறு, கீர்த்திமானாறு என்று ஓடுகிறது.
கும்பாபிஷேகம்
24.10.2021 அன்று கும்பாபிஷேகம் நடைபெற்றது.
கோவிலின் சிறப்பு
நவக்கிரக தலங்களில் 8வது கிரகமான ராகுபகவான் தஞ்சாவூர் மாவட்டம், கும்பகோணம் வட்டம், திருநாகேஸ்வரத்தில் மங்கள இராகுவாக இருதேவியருடன் தனிக்கோயிலில் காட்சி தருகிறார். இவர் காலசர்ப்பதோஷம், சர்ப்பதோஷம், களத்திரதோஷம், புத்திரதோஷம் ஆகியவைகளை நீக்கி அருள்பாலிக்கிறார்.
ராகுவின் மேனியில் பாலாபிஷேகம் செய்யும்போது பாலானது நீலநிறமாக மாறுவது இவரது தனிச்சிறப்பாகும்.
நாகராஜனான வாசுகியும், இன்னும் சில பாம்புகளும் ஒரு மகாசிவராத்திரி இரவில் முதல் காலத்தில் கும்பகோணம் நாகேஸ்வரர் கோயிலிலும், இரண்டாம் காலத்தில் திருநாகேஸ்வரத்திலும், மூன்றாம் காலத்தில் திருப்பாம்புரத்திலும், நான்காம் காலத்தில் நாகூரிலும் வழிபட்டு பலன் அடைந்ததாகத் தலபுராணங்கள் கூறுகின்றன.
ஒருவர் ஜாதகத்தில் ராகு நல்ல இடத்தில் இருந்து விட்டால் நல்ல மனைவி, நல்ல வேலைக்காரர்கள், ஆட்சி மற்றும் செல்வாக்கு முதலியன அமையும். ஆங்கிலம் உருது போன்ற அன்னிய மொழிகளில் தேர்ச்சி பெறுவதற்கும் ராகுவே காரணமாகிறார். மருந்து, வேதியியல் நூதனத்தொழில் நுட்பக்கருவிகள் போன்றவற்றிற்கும் அவ்வப்போது மாறிவரும் நவநாகரீகத்துக்கும் ராகுவுடன் இணைந்த சுக்ரனே காரணமாகிறார்.
அரசியல் செல்வாக்கு, ஆட்சியுரிமை போன்றவற்றிற்கும் ராகுவின் அனுக்ரஹம் மிகவும் தேவை.
ராகு, கீழான ஒருவனையும் சக்கரவர்த்தியாக்கி விடுவார் என்று பூர்வபராசரியம் என்னும் ஜோதிட நூல் கூறுகிறது. மந்திரஜாலம், கண்கட்டிவித்தை போன்ற வித்தைகளும் ராகுவின் அனுக்ரஹத்தாலேயே கிட்டும்.
ஒருவரது ஜாதகத்தில் ஏழாமிடத்தில் ராகு இருப்பதால் திருமணம் தாமதமாகின்றது. இல்லற வாழ்க்கை சிறப்பதற்கும் ராகுவின் அனுக்கரஹம் தேவை. ஐந்தாமிட ராகுவால் புத்திர தோஷம் ஏற்படுகின்றது. ஆகவே, களத்திரதோஷம், புத்திர தோஷம், நீங்குவதற்கு ராகுவை வழிபடுதல் வேண்டும்.
திருவிழா
திருக்கார்த்திகை,மார்கழி திருவாதிரை, மகாசிவராத்திரி, பங்குனி உத்திரம். கார்த்திகையில் பிரம்மோற்ஸவம், ராகு பெயர்ச்சி. ஞாயிறு தோறும் மாலை 4.30 – 6.00 மணி ராகு காலத்தில் ராகு பகவானுக்கு சிறப்பு பூஜை, பாலபிஷேகம் நடக்கும். இது தவிர பக்தர்கள் வேண்டுதல் பூஜைகளும் நடக்கிறது.
பிரார்த்தனை மற்றும் நேர்த்திக்கடன்
திருமணத்தடை, குழந்தை பாக்கியம், கல்வியில் சிறந்து விளங்க இறைவனை பிரார்த்திக்கலாம். இத்தலம் ராகு தோஷ பரிகார தலமாக இருக்கிறது. நாகதோஷம் உள்ளவர்கள் இவருக்கு பாலபிஷேகம் செய்து வேண்டிக் கொள்கிறார்கள். இதனால் தோஷ நிவர்த்தியாவதாக நம்பிக்கை.
சுவாமி, அம்பாளுக்கு அபிஷேகம் செய்தும், வஸ்திரம் அணிவித்தும் நேர்த்திக்கடன் நிறைவேற்றலாம்.
நடை திறந்திருக்கும் நேரம்
காலை 6.00 மணி முதல் மதியம் 12.45 மணி வரையும்.
மாலை 4.00 மணி முதல் இரவு 8.30 மணி வரையும் நடை திறந்திருக்கும்.
முகவரி
அருள்மிகு நாகநாதசுவாமி திருக்கோயில்,
திருநாகேஸ்வரம்,
தஞ்சாவூர் மாவட்டம் – 612 204.
தொலைபேசி எண் : 0435-2463354
இதையும் படிக்கலாம் : திருநள்ளாறு தர்ப்பாரண்யேசுவரர் கோயில்
