ஆவணி மாதத்தில் வரும் பவுர்ணமிக்கு முந்தைய வெள்ளிக்கிழமை வரலட்சுமி விரதம் அனுஷ்டிக்கப்படுகிறது. இன்றைய தினம் வரலட்சுமி விரதம் வெகு விமரிசையாக கொண்டாடப்படுகிறது. பத்ம புராணத்தின் படி, அன்னை மகாலட்சுமியை வரலட்சுமி விரதம் இருந்து வழிபட்டால் பெரும் பயனை அடைய முடியும்.
எந்த வீட்டில் பெண்கள் விரதமிருந்து வரலட்சுமியை முறைப்படி வழிபடுகிறாரோ, அந்த வீட்டில் அன்னை மகாலட்சுமி வந்து அருள்பாலிப்பாள் என்பது நம்பிக்கை. வரலட்சுமி விரதம் இருக்கும் வீட்டில் மகாலட்சுமி வாசம் செய்கிறாள். லட்சுமியை வழிபடுவதால் நீண்ட ஆயுள், புகழ், செல்வம் மற்றும் நல்ல ஆரோக்கியம் கிடைக்கும்.
வரலட்சுமி பூஜை எப்போது?
வரலட்சுமி விரதம் வரும் 2024 ஆகஸ்ட் 16 ஆம் தேதி வெள்ளிக்கிழமை கடைபிடிக்கப்படுகிறது. வெள்ளிக்கிழமை காலை நல்ல நேரம் 12.15 மணி முதல் 1.15 மணிக்குள் சாமி கும்பிடலாம். மாலை 4.45 முதல் 5.45 வரை நல்ல நேரமாக உள்ளது. அந்த நேரத்தில் அம்மனுக்கு சிறப்பு பூஜைகள் செய்யலாம்.
வரலட்சுமி பூஜை செய்வது எப்படி?
வரலட்சுமி விரதத்தின் போது வீடு சுத்தமாக இருக்க வேண்டும். மகாலட்சுமி தூய்மையை விரும்புகிறாள். சூரிய உதயத்திற்கு முன் எழுந்து, வாசல் தெளித்து கோலம் போடவும். நாளை விரதம் இருப்பதால், இன்று வியாழக்கிழமை மாலை வீட்டை சுத்தம் செய்ய வேண்டும்.
இதையும் படிக்கலாம் : வரலட்சுமி விரத ஸ்லோகம்
பூஜை நடக்கும் இடத்தில் இழை கோலம் போட்டு குங்குமம் இட்டு, தட்டில் அட்சதையை விரித்து, அம்மனை வரவழைக்கும் இடத்தில் கலசத்தை வைக்க வேண்டும். கலசத்தினுள் அட்சதையுடன் வெற்றிலை பாக்கு, மஞ்சள், வெள்ளி நாணயம், எலுமிச்சை பழம் போட்டு மாவிலையைக் கலசத்தின் மீது வைத்து அதன் மேல் தேங்காய் வைப்போம். கலசத்தோடு அம்மன் முகம் இணைத்து வைக்க வேண்டும். பட்டுத்துணியல் அம்மனை அலங்கரிக்க வேண்டும். சரிகை துணியால் அலங்கரிக்க வேண்டும். மஞ்சள் மற்றும் சந்தன நிற ஆடைகள் அனைத்தும் அழகாக இருக்கும். ஆடைகள் கருப்பு மற்றும் வெள்ளை நிறமாக இருக்கக்கூடாது. கலசத்தில் ஸ்ரீ வரலக்ஷ்மி நமஹ இருக்க வேண்டும்.
அம்மன் அலங்காரத்துடன் முடிக்கயிறு செய்யும் போது 9 முடிச்சுகள் போட வேண்டும். வெள்ளிக்கிழமை காலை முடிச்சு போட வேண்டும். மூத்த சுமங்கலிகள் கைகளால் ஒன்பது முடிச்சு கொண்ட நோன்பு கயிற்றை கட்டிக்கொள்ள வேண்டும்.
வரலட்சுமி பூஜைக்கு சுமங்கலி பெண்களை குங்குமத்துடன் அழைப்பது அவசியம். சர்க்கரைப் பொங்கல், பாயசம், கொழுக்கட்டை நைவேத்தியம் செய்வது அவசியம். வழிபடுபவர்கள் பட்டு ஆடைகளை அணிய வேண்டும். சரிகை அவசியம். தலைகுளித்து பின் அல்லது தலையை கட்டிக்கொண்டு பூஜை நடத்துவது நல்லதல்ல. பூஜை செய்யும் போது தலை தலையை நன்றாக காயவைத்து இருக்க வேண்டும். தலையில் இருந்து முடி கீழே உதிர்ந்தால், சனி தோஷம் உண்டாகும்.
லட்சுமி பூஜைக்கு முன் கண்டிப்பாக விநாயகர் வழிபாடு செய்ய வேண்டும். சுமங்கலி பெண்களை வரலட்சுமி பூஜைக்கு கட்டாயம் அழைக்க வேண்டும். பூஜையில் பங்கேற்கும் சுமங்கலி பெண்களுக்கு மஞ்சள், குங்குமம், நோன்பு கயிறு, வளையல், வெற்றிலை பாக்கு, ரவிக்கை துணி கொடுத்து ஆசிர்வதிக்க வேண்டும்.
வரலட்சுமி பூஜையை மனநிறைவுடன் செய்ய வேண்டும். விரிவாக செய்ய முடியாதவர்கள் ஒரு ரூபாய்க்கு கற்பூரம் ஏற்றி வைத்து வரலட்சுமியை வழிபட்டு லட்சுமி கடாட்சம் பெறலாம். மஞ்சள்,குங்குமம், பூக்கள் மற்றும் முடி கயிறு வைத்து பூஜை செய்யலாம்.
வரலட்சுமி விரதம் இருப்பது எப்படி?
லட்சுமி தேவிக்கு பூஜை செய்யும் போது, நம் வீட்டிற்கு வரும் விருந்தினர்களை அன்புடன் வரவேற்பது போல், வாசலில் நின்று லட்சுமியை பாவனை செய்து அழைக்க வேண்டும். வரலட்சுமி விரதம் இருக்கும் வீட்டில் மகாலட்சுமி வாசம் செய்கிறாள். லட்சுமியை வழிபடுவதால் நீண்ட ஆயுள், புகழ், செல்வம் மற்றும் நல்ல ஆரோக்கியம் கிடைக்கும்.
பதினாறு வகையான செல்வங்களை வழங்கக்கூடிய மகாலட்சுமி தேவியை போற்றும் வகையில் வரலட்சுமி விரதம் உள்ளது. திருமணமான பெண்கள் பூஜை முடியும் வரை சாப்பிடாமல் விரதத்தை கடைபிடிக்க வேண்டும். கன்னிப் பெண்களும் திருமணமான சுமங்கலிப் பெண்களும் விரதத்தைக் கடைப்பிடிக்க வேண்டும், இது ஐஸ்வர்யத்தையும் வலிமையையும் தருகிறது.
இதையும் படிக்கலாம் : வரலட்சுமி விரதம் சகல வரங்களையும் தரும்..!
அதிகாலையில் எழுந்து குளித்துவிட்டு பூஜையறையில் தீபம் ஏற்றி விரதம் இருக்க வேண்டும். வரலட்சுமி பூஜை விரதத்தில் பங்கேற்பவர்கள் சில உணவுகளை உண்ணலாம். வாழைப்பழம் உடல் வலிமையை வளர்க்க மிகவும் உதவும் ஒரு பழம். வாழைப்பழத்தில் பொட்டாசியம் நிறைந்துள்ளது மற்றும் இயற்கையான குளுக்கோஸ் உள்ளது, இது ஆற்றல் அளவை அதிகரிக்க உதவுகிறது மற்றும் உண்ணாவிரதம் இருப்பவர்கள் சாப்பிடலாம். விரதம் இருப்பவர்கள் சுத்தமானதாகக் கருதப்படும் ஒரு டம்ளர் பால் அருந்தலாம். பால் குடிக்காதவர்கள் பழச்சாறு அல்லது துளசி தீர்த்தம் சாப்பிடலாம்.
வரலட்சுமி பூஜை செய்ய நல்ல நேரம்
வரலட்சுமியை நினைத்து பக்தியுடனும் மகிழ்ச்சியுடனும் வழிபட வேண்டும். சுமங்கலி பெண்களை வரலட்சுமி பூஜைக்கு கட்டாயம் அழைக்க வேண்டும். வரலட்சுமி விரதத்தை காலையில் ஆரம்பித்தாலும் மாலையில் பூஜை செய்யலாம். மாலையில் வீட்டில் தீபம் ஏற்றி பூஜையைத் தொடங்குவது சிறந்தது. ஒவ்வொரு வருடமும் வரலக்ஷ்மி விரதம் அனுஷ்டித்தால், திருமணமாகாதவர்களுக்கு விரைவில் திருமணமும், திருமணமான பெண்களுக்கு மாங்கல்ய பலமும் கிடைக்கும் என்பது நம்பிக்கை. நோயற்ற வாழ்வும் குறைவற்ற செல்வமும் கிடைக்கும்.
வரலட்சுமி அலங்காரம்
வரலட்சுமி விரதம், மற்ற விரதங்களைப் போல் அல்லாமல், அம்மன் உருவத்தை வழிபடுவதற்க்கே அர்ப்பணிக்கப்பட்ட விரதம் என்பதால், அம்பாளை எப்படி அலங்கரிப்பது என்று பார்ப்போம்.
இதையும் படிக்கலாம் : லட்சுமி தேவி வீடுதேடி வர வேண்டுமா..?
மரப்பலகையை எடுத்து சுத்தம் செய்து அரிசி மாவில் கோலம் போடவும். மரப் பலகையில் வெள்ளித் தாம்பலம் அல்லது பித்தளைத் தட்டு அல்லது வாழை இலையை வைக்க வேண்டும். (வழிபாட்டின் போது சில்வர் பொருட்களைப் பயன்படுத்துவதைத் தவிர்ப்பது நல்லது).
மகாலட்சுமியை வேண்டி பச்சரிசி அல்லது மூன்று கைப்பிடி நெல் வைத்து பரப்பவும். அதன் மீது வெள்ளிக் குடம் (கலசம்) வைக்கவும். வெள்ளிக்குடம் இல்லாதவர்கள் செம்பு அல்லது பித்தளை உலர்ந்த குடத்தை வைக்கவும். அந்த குடத்தின் மீது வைத்து குங்கம திலகம் தடவவும்.
பிறகு கலசத்தில் முக்கால் பங்கு அரிசி சேர்க்கவும். (சிலர் குடத்தில் தண்ணீர் வைத்து பூஜை செய்வார்கள். பூஜை செய்த பின் அந்த தண்ணீரை மரத்தடியில் ஊற்றவும். அதில் கருப்பு புள்ளி, வடு இல்லாத எலுமிச்சை பழத்தை வைக்கவும். ஒரு விரலி மஞ்சள் சேர்க்கவும். பின்னர் அதில் வரலட்சுமி பதித்த தங்க நாணயம் சேர்க்கவும்.
முடிந்தால், உங்கள் கணவரிடம் ஒவ்வொரு வருடமும் பூஜைக்காக ஒரு சிறிய தங்க நாணயம் வாங்கச் சொல்லுங்கள். அத்தகைய தங்கம் அல்லது வெள்ளி நாணயங்கள் இல்லை என்றால், வழக்கமான நாணயங்கள் (9 அல்லது 11 நாணயங்கள்) சேர்க்கப்படும்.
ஜாதிக்காய், மாசிக்காய் ( உள்ளூர் நாட்டு மருந்து கடையில் கிடைக்கும்), ஏலக்காய் மற்றும் கிராம்பு சேர்க்கவும். அதனுடன் காதோலை கருகமணி சேர்க்கவும்.
ஒரு முழு தேங்காயை எடுத்து மஞ்சள் தடவி அதன் மீது குங்குமத்தை வைக்கவும். (பொதுவாக குங்குமத்தை திலகம் போல் சற்று மேல் நோக்கி வைக்க வேண்டும்).
மா இலை தோரணத்தை கலசத்தின் மீது வைத்து அதன் மேலே தேங்காய் வைக்கவும். இப்போது, அம்பாள் தாயார் வரலக்ஷ்மி விரதத்தைக் குறிக்கிறது.
இருப்பினும், கலசத்தின் ஒரு புதிய சிவப்பு பட்டாடை கட்டவும். அல்லது புதிய சேலை, ஜாக்கெட் துணியில் கட்டலாம். அம்பாளை அலங்கார நகைகளால் அலங்கரிக்கலாம்.
வெள்ளி, பித்தளை அல்லது வெண்கல அம்பாள் திருமுகம் இருந்தால், அம்பாளின் முகம் தெரியும்படி தேங்காயோடு வைத்து கட்டவும்.
மகாலட்சுமியை அழைக்கும் முறைகள்
அலங்கரிக்கப்பட்ட அம்பாளை வாசலுக்கு அருகில் வைத்து, தீபம் ஏற்றி, அம்பிகையை வேண்டி, வீட்டில் முதிர்ந்த சுமங்கலிகள் இருந்தால், அவர்களின் ஆசியை ஏற்று, அம்பாளை வீட்டின் பூஜை அறைக்கு அழைத்துச் செல்லுங்கள். பின்னர் வரலட்சுமி பூஜை செய்து ஆசி பெறுங்கள்.
இதையும் படிக்கலாம் : பணம் பெருக மஹாலக்ஷ்மி அஷ்டகம் பாடல் வரிகள்
வரலட்சுமி நோன்பு கயிறு
வரலட்சுமி பூஜைக்கு முன் விநாயகர் பூஜை செய்ய வேண்டும். வரலட்சுமி பூஜையை மனநிறைவோடு செய்ய வேண்டும். ஒன்பது முடிச்சு இருக்கும் நோன்புக்கயிறு அவசியம். அம்மன் அலங்காரம் செய்த உடன் முடிக்கயிறு தயாரிக்கும் போது 9 முடிச்சுகள் போட்டிருக்க வேண்டும்.
வெள்ளிக்கிழமை காலையில் நல்ல நேரத்தில் முடிச்சு போட வேண்டும். அஷ்ட லட்சுமிகளுடன் வரலட்சுமியை சேர்த்து 9 லட்சுமிகள் என்பதை குறிக்கும் வகையில் 9 முடிச்சு கொண்ட நோன்பு கயிறு கட்டிக்கொள்கின்றனர். வயது மூத்த சுமங்கலிகள் கைகளால் நோன்பு கயிற்றை கட்டிக்கொள்ள வேண்டும்.
இந்த மந்திரத்தை உச்சரித்து வலது கையில் நோன்பு கயிறை கட்டிக்கொள்ள வேண்டும்.
“நவதந்து ஸமாயுக்தம் நவக்ரந்தி ஸமன்விதம்
பத்னீயாம் தட்சிணே ஹஸ்தே தோரகம் ஹரிவல்லபே”
வரலட்சுமி விரத பலன்கள்
வரலட்சுமி விரதத்தை அனுஷ்டிப்பவர்கள் பெரும் பயனை அடைந்தார்கள் என்கிறது பத்ம புராணம். வரலக்ஷ்மி விரத பூஜையை செய்தால் திருமண யோகம் உடனே கைகூடும். வரலட்சுமி எட்டு வகையான செல்வங்களையும், தாலிப் பாக்கியத்தையும் தருகிறாள். அதனால் தான் திருமணமான பெண்கள் இந்த நாளில் மகாலட்சுமியை வழிபட விரதம் அனுசரிக்கிறார்கள்.
வரலட்சுமி விரதம் கடைப்பிடிக்கும் பெண்களிடம் அஷ்ட லக்ஷ்மி மகிழ்ச்சியாகவும் பாசமாகவும் இருப்பதாக நம்பப்படுகிறது. வரலட்சுமி விரதத்தில் பெண்களுக்கு மாங்கல்ய பலம் நீடிப்பதோடு செல்வம், தைரியம், வெற்றி, அரசு அந்தஸ்து, குழந்தைப் பேறு, கல்வி உள்ளிட்ட அனைத்து வளங்களும் கிடைக்கும். இந்த விரதத்தை கடைபிடிக்கும் பெண்கள் இவ்வுலகின் சகல போகங்களை அனுபவித்து பின் வைகுண்டத்தில் சேருவார்கள் என்று புராணங்கள் கூறுகின்றன.
இதையும் படிக்கலாம் : மகாலட்சுமியின் அருளை குறைவின்றி பெற மந்திரம்..!
